વડોદરા ખાતે રાષ્ટ્રીય રેન્કિંગ ટીટી ચેમ્પિયનશિપસમાં કેડીટીટીએના ચાર ખેલાડીઓ ભાગ લેવા જશે

આદિપુર, તા. ૧૩: કચ્છ ડિસ્ટ્રિક્ટ ટેબલ ટેનિસ એસોસિએશન એસોસિએશન (કેડીટીટીએ) માટે એ સન્માનની વાત છે કે 15-20 જાન્યુઆરી 2023 દરમિયાન વડોદરા ખાતે યોજાનારી રાષ્ટ્રીય રેન્કિંગ ટીટી ચેમ્પિયનશિપસ ૨૦૨૨માં અંડર-11 કેટેગરીના 04 ખેલાડીઓ ભાગ લઈ રહ્યા છે.

આ ખેલાડીઓ માં અમરચંદ સંઘવી ઈન્ટરનેશનલ સ્કૂલ, ગાંધીધામના 03 ખેલાડીઓ – યુગ પ્રતાપ સિંગ (સ્ટેટ રેન્ક 8), ધ્રુવ નરેશ ભંભાણી (સ્ટેટ રેન્ક 11), અનાઈશા સિંઘવી (સ્ટેટ રેન્ક 11) અને બીએલબીએસ ઈંગ્લિશ મીડિયમ સ્કૂલ, ભુજના નૈરીત વૈધ (સ્ટેટ રેન્ક 10) સામેલ છે.

આ ખેલાડીઓ દેબજોય પુશિલાલ અને મુખ્ય કોચ મહેશ હિંગોરાનીની કોચિંગ હેઠળ હરેશ સંગતાણી સ્પોર્ટ્સ કોમ્પ્લેક્સ-કેડીટીટીએ ખાતે ટેબલ ટેનિસ એકેડમીમાં કોચિંગ લઇ રહયા છે.

આ ખેલાડીઓને સંસ્થાના બધા પદાધિકારીઓએ અભિનંદન સહ શુભેચ્છા પાઠવી હતી.